11e vaan de 11e in Venlo
Gruëtse äöpening Vastelaovesseizoen 2006-2007
De aafgelaupe waeke zien diverse gesprekke geveurd door Venloosch Vastelaovesgezelschap Jocus mit Stichting Horeca Alt Stad Venlo, alle euverige vastelaovesvereiniginge oét 't stadsdeil Venlo (zustervereiniginge) en andere betrokkene. Onderwerp van dees gesprekke waas 't zoegeneumde “inscheete van de vastelaovend”.
't Bestuur van Jocus mak bekind, det alle betrokke partieje 't veurneme hebbe 't nieje vastelaovesseizoen op ein gehiel andere wies as andere jaore te äöpene. 't Leet in de bedoeling um op 11 november 2006 um 11.11 oor 's-morges op de Mert veur 't stadhoés, onder de naam "ElfvanElf", 't nieje seizoen "in de scheete". Aansloétend volg dan op de Mert 'n gruëts opgezat meziékspektakel mit alle lokale topartieste, det door Jocus in nauwe samewerking mit Stichting Horeca Alt Stad Venlo, wuurt georganiseerd. Netuurlik kriege auk de andere traditionele activiteite, wie beejveurbeeld 't aanbeeje van d'n iërste Opstaeker aan de börgervader en de prissentasie van 't nieje en 't afscheid neme van 't vurrige "Boérebroélofsgezelschap", ein belangriéke plaats in de programmering van dae daag.
Wies aafgelaupe jaor veurzoog de äöpening van 't seizoen neet in ein dergelik daagprogramma. Nao 't "inscheete" mit 11 kenonsscheut aan 't begin van d'n aovend, startte de zoegeneumde "Venlosen aovond" in de Maaspaort. Veur vuul Venlonaere waas dit aanleiding um de aafgelaupe jaore euverdaag andere staej op te zeuke, die waal invölling goove aan de behoefte aan fees en gezelligheid op dees veur vastelaovesvierders zoë belangriéke daag. Volges Jocus is 't onbestaonbaar, det Venlonaere op de 11de van de 11de neet terech kinne in eur eige "Stedje van lol en plezeer". "Weej wille vanaaf 11 november wies aan 't "mutsaafzette" op vastelaovesdinsdaag, vastelaovend organisere veur ein breid Venloos publiek. Wanniërse in de laup van de tiéd ontdeks, det d'r ein nieje of veranderde behoefte besteit beej die Venlonaere, dan is 't zaak detse dit oppaks. Mit "ElfvanElf" weite we det we de Venlose vastelaovend verrijke mit ein breid gedrage niej initiatief".
Het laatste carnavalsnieuws lees je natuurlijk op carnavalsartiesten.nl. Door zorgvuldige selectie uit verschillende betrouwbare bronnen zorgen wij ervoor dat u altijd op de hoogte zult zijn van het laatste carnavalsnieuws.
